طريقة كتابة مقال متوافق مع محركات البحث والادوات اللازمه لكتابته

طريقة كتابة مقال

هل فيه أدوات ممكن تساعدني على كتابة المحتوى وتحديدا المحتوى العربي؟

ايوه طبعا في ادوات كتيره  ممكن تساعدك على كتابة المحتوى 

طيب ايه هى الادوات دي ؟؟

نبداء باداة جوجل درايف 

ازاي بقي بنكتب في اداة جوجل درايف دي ؟؟

في حاجة في جوجل درايف اسمها Google Docs أو مستندات جوجل ودي بتكون  زي الورد بالظبط بس على احسن شويه 

طبعا كلنا عارفين ان شركة مايكروسوفت عندها برنامج الاوفيس اللي بيحتوي علي

الورد والاكسيل والباور بوينت وباقي البرامج الاخري 

شركة جوجل بقي في سنة 2012 وتحديدا في 24 أبريل 2012 عملت حاجه زي الاوفيس كده

بس على انضف واحسن شويتين تلاته واللي هو اسمه جوجل درايف 

ده بقى موجود فيه Google Docs اللي هو زي الوورد  وفي بردو  Spreadsheet

اللي هو زي الاكسيل وفي Google Slides اللي هو زي الباور بوينت 

ومن المهم نعرف برضو ان جوجل درايف هي خدمة تخزين سحابي  للمستندات 

 طيب ليه بقي جوجل درايف احسن من ملفات الوورد ؟؟

• اولا فيها اوبشن تنسيق المحتوى 

من اكتر المشاكل اللي  بتقابل معظم  الناس اللي بتكتب محتوى على برنامج الوورد

هي تنسيق المحتوى غير إن التنسيق اصلا بيكون  مش حلو  ومش بالساهل وكمان 

لو فكرت تنقله للويب سايت هيطلب منك انك تظبطه من أول وجديد ودى طبعا حاجة بتاخد وقت كبير جدا

إنما بقي  في جوجل درايف الموضوع سهل و بسيط جدا و مستحيل ان التنسيق للمحتوى

اللي كتبته يبوظ وانت بتنقل المحتوى للموقع الخاص بيك  أو لمواقع التواصل الاجتماعي

• ثانيا  موجود فيه ادوات مساعده كتيير وبتسهل عليك معظم المهام

فيه اوبشن  حلو اوي في  جوجل دوكس وده بيخليك  بدوسة واحدة تنقل المحتوى

للموقع بتاعك بكل الصور واللينكات والتنسيق وكل حاجة فيه 

يعني مثلا لو انت كاتب مقاله فيها 15 صورة، شوف هتاخد وقت قد ايه عشان

ترفعهم على الموقع وتنسيقها  تخيل بقى ان كل ده بيخلص  من خلال دوسة 

شوفت بقي الاختلاف الكبير بينهم 

من الاوبشن المميزة في جوجل درايف انك  تقدر تستخدمه اوف لاين وكمان

تقدر تكتب فيها بالاشتراك مع اشخاص كتيره في وقت واحد وتقدر كمان تعمل ايديت للمقال 

علشان تقدر تعمل ايديت او ريفيو على محتوى في برنامج  الوورد ده صعب جدا

يكون مكتوب لكن في جوجل درايف  تقدر انك  تعمل هاي لايت على كل كلمة تختارها  وتقدر انك تكتب تعليق عليها.

فيه اوبشن تاني بردو انك ممكن انت وفريق العمل تكتبوا في نفس المقالة في نفس الوقت انت متخيل ان انتوا

تكونوا فاتحين نفس الملف و تكونوا شغالين عليه وشايفين كل كلمه أي حد يكتبها في نفس الوقت

وفي اوبشن كمان انك تقدر انك تفتحها وتشوفها من الموبايل أو اللاب توب لان زي ما قولنا في الاول انها  خدمه سحابيه

الاداة اللي بعد كده اداة Similarweb

الاداه دي بقي مجانية وفيها جزء مدفوع  ودي من اقوي الادوات اللي ممكن تستخدمها

في تحليل المواقع بتعرف من خلاله ايه الكلمه المفتاحيه اللي الموقع طالع فيها وايه

بردوا الكلمات اللي الموقع المنافس طالع فيها والمستخدمين مهتمين

ب ايه في السيرش والترافيك جاي من فين وهكذا من الاخر بيديلك تحليل كامل للموقع 

بعد كده بقي مجموعة من الادوات للبحث عن الكلمات المفتاحية 

طبعا كلنا عارفين اهمية الكلمات المفتاحية في المقالة واللي بيها نقدر نصعد بالموقع ويكون نتيجة اولي في جوجل 

طيب ايه هي بقي الادوات دي 

• KeywordTool.io

• Google Keyword Planner

•  KWFinder

• Answer The Public

• Wordstream’s Free Keyword Tools

•  Uber Suggest

• Google Trends

كل دي ادوات مجانيه وبتعدم اللغه العربيه ماعدا اداه واحده و اللي هي Keyword Dit

الاداة اللي بعد كده ودي اداة افكار للمحتوي 

طريقة كتابة مقال

ودي بقي اللي لو محتاج افكار جديدة لمحتوى  جرب كده تستخدم 

 Blog ideas Generator او Portent Title Maker

الاداتين دول بالانجلش ممكن تكتب الاسم الخاص بالموضوع

وتشوف هيطلعلك الاقتراحات ايه وخدها كوبي و وترجمها للعربي

الاداة اللي بعد كده بقي دي خاصة بالناس اللي بتكتب بالعربية الفصحى وهو موقع موضوع 

طبعا مش متاح لكل الناس انها تكتب بالعربيه الفصحى لان الموضوع بيكون

صعب وممل ومش سهل اي حد يكتبه لكن موقع موضوع وفر لنا 3 أدوات هتساعدنا في ده 

أول أداة التحليل للنص 

ودي فيها بتدخل المقاله اللي كتبتها والاداه بتظهر لك النتيجة بقي وانه سلبي ولا ايجابي بنسبة كان في المائة 

ثاني اداة التشكيل 

دي للناس اللي مش بتعرف تكتب التشكيل في المقاله الاداة دي بتضيفلك التشكيل للكلام تلقائي 

ثالث اداه ودي بقي خاصة بالكلمات المتشابهه و طريقة كتابة مقال

من الاخر كده الاداه دي هي اللي بتقولك الكلمات المتشابهه لاي كلمه انت بتكتبها مثلا الحاسب الالي

هيطلع معني اخر للكلمات هيطلع الكمبيوتر او الجهاز الذكي 

وده طبعا هيساعدك انك تلاقي كلمات بسيطه توصل بيها الفكره لجمهورك 

الاداة اللي بعد كده هي أداة Canva للتصميم

طبعا احنا كمسوقين عارفين اهمية Visuals  وبردوا كلنا متفقين ان افضل طريقه في التصميم

هو إن يكون في جروب عمل متكامل مسؤل عن التصميم سواء التصميم للويب

او التصميم لوسائل التواصل الإجتماعي  ولكن في ناس كتيره مش بيكون ده في مقدورها  ده 

اذن ايه بقي الحل هنا ؟؟

الحل هنا اننا نستخدم  Canva ودي من افضل الادوات اللي ممكن تعمل بيها تصميم

متكامل بالاضافه انه موجود فيها قوالب كتير مجانيه  هتساعدك في التصميم 

وبردو في اداة تانيه اسمها snappa ودي زي ال canva بردو لا تقل

عنها اهميه والقوالب اللي فيها بتكون مناسبه للبيزنس والتسويق اكتر 

الاداة اللي بعدها وهي موقع Quora

وده موقع بقي أسئلة وإجابات لكل حاجة انت ممكن تتخيلها او تيجي في بالك

بالانجليزي وعملوا نسخه كمان بالعربي بس بث تجريبي لسه 

الموقع ده بقي اعتبره انه افضل مصدر للافكار الجديده للمحتوي

الاداة اللي بعد كده وهي ادوات تخزين الصور مثل  Tumblr و  Flickr و pinterest  

دول بقي افضل خمس مواقع للصور والصور فيهم جودتها عاليه  ومسموح

باعادة استخدامها وطبعا كلنا ككتاب محتوى بنبقى محتاجين صور للمقالات

ليها جودة عالية وتشد انتباه القراء وتكون بتعبر عن الحاجه اللي بنقولها بطريقة بسيطه وسهله 

وطبعا منقدرش ننسي اهم موقع للصور موقع Shutterstock بس طبعا محتاج

انك تعمل فيه اكونت وبيكون مدفوع بس نصيحتي ليك لو ميزانيتك تسمح اشترك بدون تردد

الاداة اللي بعد كده اداة جوجل

تعتبر جوجل من اقوي واهم الادوات لاي حد بيكتب بدون شك 

لازم وانت بتكتب المحتوى تدخل على جوجل وتبحث عن المواضيع اللي بتكتب فيها

وتاخد افكار من المواضيع الموجوده اللي بيكون اغلبها سطحيه بس انت بتركيزك

وتجميع للافكار والمواضيع دي ممكن تطلع بموضوع عميق وتقدر تطلع لموقعك بالنتيجة الاولي في جوجل 

بعد كده بقي أداة BuzzSumo 

ايه هي بقي الاداة دي ؟؟

دي الاداه اللي بيها بنكتشف المحتوي فكرتها انك مثلا بتكتب جمله او كلمه معينه

والاداة دي بقي بيجيب لك اكتر محتوي كان عليه سيرش واكتر محتوي كان عليه

تفاعل ومشاركه في مواقع التواصل الاجتماعي وكمان من خلالها تقدر

تعرف اكتر الناس المؤثره في المجال اللي انت اختارته على مواقع التواصل الاجتماعي 

 الاداة اللي بعدها هي اداة Feedly

الاداة دي باختصار كده افضل واهم المقالات والمواضيع اللي

بتتنشر كل يوم علي النت في مواضيع انت بتكون مختارها  ومحددها 

طيب دي بقي بنستفاد منها ازاي 

اولا كده طبعا هي اداة مجانيه  و دي هتكون مصدر للافكار اللي هكتب بيها المقالات

وكمان هتخلي مستواك في الكتابه للمحتوي  يتحسن وكمان هتكون علي معرفه

بكل حاجه جديده تخص المجال ده وكمان هتساعدك لو اعتمدت علي  ال Content Curation

الاداة اللي بعد كده ويكيبيديا

هيجي حد يسالني هي  ويكيبيديا تنفع تكون اداة لكتابه المحتوي 

هقولك ايوه طبعا واهم اداه كمان 

ليه بقي ؟

وده لان  ويكيبيديا بتقوم بتقديم محتويات مختلفة بيكون ليها شكل واضح اللي

من خلاله الشخص بيكون قادر انه يفسر ويبني الشكل الواضح للمحتوي الخاص بيه  من خلاله 

من الحاجات المميزه في  ويكيبيديا انه اي محتوي هتبحث عنه هتلاقيه موجود وليه افكار كتيره كمان 

الاداة اللي بعد كده  كتب أمازون

طيب دي هنستغلها ازاي بقي هنجيب كتب ونقعد نقرأها 

اكيد لا طبعا 

امال هنستخدمها ازاي 

كل اللي هتعمله انك تكتب موضوع المحتوي في جوجل وجمبها تكتب كلمة

كتب ولو حابب تلاقي نتايج جودتها اعلي يبقي تدور بالانجليزي 

و بعدين تجيب اسماء الكتب وتدخل علي موقع امازون تبحث عنها وتضغط علي الكتاب

اللي خاص بالمحتوي اللي انت كاتبه وتاخد منه الفهرس وده تستخدمه

يبقي الشكل الاساسي للمحتوي الخاص بيك وابدا بقي طور في الكلمات المكتوبه 

الاداه اللي بعد كده مواقع الكورسات الاونلاين زى يودمي  و رواق و كورسيرا و إدراك …

طبعا لو دخلنا علي اي موقع من دول هتلاقي افكار جاهزه للمحتوي اللي انت بتدور عليه 

وحتي لو المجال بتاعك مش لاقي فيه كورسات عربية في المجال اللي بتبحث عنه هتعمل ايه ؟؟

بسيطه هتدور في موقع الكورسات الانجليزي وهتجيب منه الحاجات اللي محتاجها يترجمها للعربي 

الخاتمه 

في النهاية بقي احب اقولك ان مفيش أداة هتخلي مستواك يتطور في كتابه المحتوى

الا عن طريق البحث والتعلم لازم تتعلم وتدور وتقرأ وتطور من نفسك وانا اضمن لك

انك هتكون من اشطر وانجح كتاب المحتوي  كل الادوات اللي ذكرتها فوق دي مجرد

ادوات هتساعدك انك تحسن من كتابه المحتوى الخاص بيك ويكون عالي الجوده

وتقدر فعلا بيه تنافس انك تكون نتيجه اولي في بحث جوجل